G'spia

[Behutsalem]

G'spia



In mein Herzlan då sprudelt de Liab wia a Quelln,

går übagehn tuats und pumpan a schnöll,

gånz hamalat weads - tiaf drinan im Gmiat,

wia schean is dås Gfühl - wånn ma sich g’spiat.



Se låcht ma de Schmettaling eine in Mågn

und låsst ma im turtln nur schene Wort sågn,

se bringt ma im denken dås Bildl von dir,

vatramt ma den Tåg und öffnet de Tir,



zan sölig verweiln und wieda vatraun,

a bissale liachta ins morgn zu schaun.

Se singt ma de Nåcht mit Sunastråhln aus

und holt ma im Glück de Bleamlan ins Haus.

 

[Perry]

Hallo Behutsalem,
da summen im Hintergrund all die tollen österreichischen Liedermacher mit.

Gefällt mir gut, auch wenn ich "zan" am Anfang von der 3. Strophe nicht übersetzen konnte.
LG
Perry

 

[Behutsalem]

danke perry,
 
zan = zum
wenn du sonst alles verstanden hast.. dann aber Hut ab..
 
glg. Line