Wås i uns wünsch

[Behutsalem]

Wås i uns wünsch’, passt in ka Pakal

und drüba a ka Goldpapier,

ka Maschal könnt , was i uns wünsch,

mit seinem Glitzan auffrisiern.

Wås i uns wünsch’, gibt’s net zan kaf’n,

es wird a ka Reklame g’måcht,

sölbst tausn’d Lichta übastråhln net

den Wert, den mei Wünschn für uns håt.

Wås i uns wünsch’, tråg i im Herzn,

gånz tiaf in meina Kåmma drin,

mit jeda Stund, mit jedn Tåg

brennt es sich eine in mein Sinn.

Wås i uns wünsch , spüast im Vatraun,

in meina Hånd de i da reich,

im Låchn, månchmal a im wanan

und wånn mei Sinnan deine Wanglan streicht.

I wünsch uns anfåch nur an Fried’n,

a bißl Zeit zan zärtlich sein,

stülle Stundn zan genießn

und an Wegbrat wåhre Menschlichkeit.